لاہور(سپورٹس رپورٹر/ نمائندہ سپورٹس) آل پاکستان نیشنل بنک کپ ہاکی ٹورنامنٹ نیشنل ہاکی سٹیڈیم لاہور میں شروع ہوگیا۔پہلا میچ ریلوے اور واپڈا کی ٹیموں کے درمیان دو دو گول سے برابر رہا۔ فیصلہ پنلٹی شوٹ آوٹ پر ہوا جس میں ریلویز نے 4 کے مقابلے 5 گول سے کامیابی اپنے نام کی۔ آرمی کی ٹیم نے پی اے ایف کیخلاف 6-4 سے کامیابی حاصل کی۔  پی آئی اے اور نیشنل بنک کے درمیان سخت مقابلہ دیکھنے میں آیا جس میں پی آئی اے نے 2-1 سے نیشنل بنک کو زیر کیا۔ آج مزید تین میچ کھیلے جائیں گے۔