اسلام آباد (اے پی پی) ایشین ٹیم ایونٹ اور 6 ریڈ سنوکر چیمپئن شپ میں شرکت کیلئے 14 غیر ملکی ٹیمیں کل صبح پاکستان پہنچیں گی۔پاکستان بلیئرڈ اینڈ سنوکر ایسوسی ایشن کے صدر عالمگیر شیخ نے  بتایا کہ چیمپئن شپ میں شرکت کیلئے پاکستان سمیت 34 ایشیئن ممالک کو دعوت نامے ارسال کئے تھے۔ جن میں سے پاکستان سمیت 15 ممالک نے شرکت کی تصدیق کردی ہے۔  ایونٹ میں 16 غیر ملکی ممالک نے ایونٹ میں شرکت کی تصدیق کر دی ہے ان میں بھارت، افغانستان،بحرین ‘ ہانگ کانگ، ایران، ملائیشیائ، نیپال، فلسطین، قطر، سعودی عرب، سنگا پور، شام، تھائی لینڈ ‘ متحدہ عرب امارات  اور پاکستان شامل ہیں۔انہوں نے کہا کہ ٹیم ایونٹ ٹائٹل کا دفاع بھارت کررہا ہے جبکہ پاکستان 6 ریڈ بال چیمپئن شپ کا دفاع کرے گا ۔ چیمپئن شپ کے لئے قومی کھلاڑیوں نے 12 دن تربیتی کیمپ بھرپور محنت کی ہے اور تمام کھلاڑی کھیلنے کیلئے تیار ہیں ۔ وہ توقع رکھتے ہیں کہ آزادی کے مہینے میں قومی ٹیم شاندار کارکردگی کا مظاہرہ کرکے پاکستان ٹیم ایشین کا گولڈ میڈل جیت کر پاکستانی قوم کو آزادی کا بہترین تحفہ دیں گے۔‘ ٹیم ایونٹ میں پاکستان کی چار ٹیمیں جبکہ 6ریڈ سنگل مقابلوں میں 8کھلاڑی میدان میں اتریں گے۔واضح رہے کہ   دونوں ایونٹس  17 سے 22 اگست تک کراچی میں کھیلی جائے گی۔