لاہور(سپورٹس رپورٹر) پاکستان فٹبال فیڈریشن نے پنجاب بھر میں فٹبال کلبوں کی سکروٹنی کا شیڈول جاری کر دیا ہے۔ لیفٹیننٹ کرنل (ر) فراست علی شاہ ڈائریکٹر ممبر ایسوسی ایشن اینڈ پراجیکٹ کو سکروٹنی ٹیم کا سربراہ مقرر کیا گیا ہے۔ سکروٹنی کا عمل آج پاکپتن سے شروع ہوگا جس کے بعد 30 ستمبر تک دیگر ڈسٹرکٹس جن میں بہاولنگر، وہاڑی، ساہیوال، اٹک راولپنڈی، چکوال، جہلم، گجرات، ناروال، سیالکوٹ، گوجرانوالہ، حافظ آباد، سرگودھا، خوشاب میانوالی، بھکر، لیہ، مظفر گڑھ، ڈی جی خان، راجن پور، فیصل آباد، ٹوبہ ٹیک سنگھ، جھنگ رحیم یار خان، بہاولپور، لودھراں، خانیوال، ملتان، لاہور، شیخوپورہ اور ننکانہ صاحب شامل ہیں میں سکروٹنی کا عمل مکمل کیا جائے گا۔