اسلام آباد (اے پی پی) پاکستان جوڈو فیڈریشن نے ورلڈ جوڈو چیمپئن شپ کیلئے 3 رکنی ٹیم کا اعلان کردیا ہے‘ پاکستان جوڈو فیڈریشن کے سیکرٹری مسعود احمد خان نے جمعہ کو اے پی پی کو بتایا کہ ورلڈ جوڈو چیمپئن شپ 26 سے 31 اگست تک روس کے شہر چیلی بیسک میں کھیلی جائے گی اور ایونٹ میں شرکت کیلئے قومی ٹیم 22اگست کو روس روانہ ہوگی۔ انہوں نے کہا کہ ایونٹ کیلئے جن کھلاڑیوں کا اعلان کیا ہے ان میں احمد شہزاد بٹ ‘ شاہ حسین شاہ اور سید سمیع اللہ شامل ہیں ۔ انہوں نے کہا کہ فیڈریشن نے چیمپئن شپ کے لئے پاکستان سپورٹس سے خصوصی گرانٹ کیلئے درخواست دی ہے۔