لاہور(سپورٹس رپورٹر) یوتھ اولمپک میں شریک پاکستان یوتھ ہاکی ٹیم نے اپنے افتتاحی میچ میں میکسیکو کو چھ دو سے مات دیدی۔ پاکستان کی جانب سے شان ارشاد نے دو جبکہ محمد عتیق، مبشر علی، اضفر یعقوب اور بلال محمود نے ایک ایک گول سکور کیا۔ چین میں کھیلے جانے والے یوتھ اولمپک میں پاکستان کی 9 رکنی ہاکی ٹیم شرکت کے لیے نانجنگ کے دورہ پر ہے جہاں اس کا پہلا میچ میکسیکو کے خلاف کھیلا جبکہ اس کا دوسرا میچ کل 19 اگست کو جرمنی کے خلاف ہوگا۔ ناننجنگ سے پاکستان یوتھ ہاکی ٹیم کے کوچ طاہر زمان کا کہنا تھا کہ کھلاڑیوں نے شاندار کھیل پیش کیا۔ امید ہے کہ اگلے میچز میں بھی ہمارے کھلاڑی توقعات کے عین مطابق کھیلیں گے۔ ٹورنامنٹ میں شریک کوئی ٹیم بھی آسان نہیں ہے ہمیں ہر میچ فائنل سمجھ کر کھیلنا ہوگا۔