لاہور(سپورٹس رپورٹر) بھارت میں چیمپئن لیگ ٹی ٹونٹی ٹورنامنٹ کی تیاری کے لئے لاہور لائنز ٹیم کا 7 روزہ تربیتی کیمپ نیشنل کرکٹ اکیڈمی میں شروع ہو گیا۔ ابتدائی روز اعزاز چیمہ، آصف رضا، عمران علی، عمر صدیق، آغا سلمان علی، بلاول، روحیل علی، وقاص احمد، علی منظور، محمد سعید، مصطفی اقبال اور سعد نسیم نے شرکت کی۔ عدنان رسول ، ناصر جمشید ، محمد حفیظ، عمر اکمل، وہاب ریاض  اور احمد شہزاد بیرون ملک ہونے کی وجہ سے کیمپ کو بعد میں جوائن کریں گے۔