اسلام آباد (ثناء نیوز) وزیر اعظم محمد نواز شریف نے سیاسی رابطے  تیز کر دیئے ہیں انتہائی  ہشاش بشاش  ہیں۔  بدھ کو قومی اسمبلی  آئے تو  اراکین نے پورے جوش و خروش  سے ان کا استقبال کیا ۔ گزشتہ  روز وزیر اعظم  دو دن کے بعد ایوان  میں آئے تھے گزشتہ دو اجلاسوں میں  شریک نہیں ہو سکے تھے ۔ بدھ کو ایوان میں آئے تو  انتہائی  پرسکون  و مطمئن  دکھائی دیئے۔ مختلف ارکان سے ملے موجودہ  صورت حال  کے حوالے  سے اب تک کے سیاسی فیصلوں سے مطمئن تھے۔