پشاور (نوائے وقت رپورٹ) پشاور ائرپورٹ کے قریب شیخ محمدی کے علاقے میں نامعلوم افراد نے سی 130 کارگو طیارے پر فائرنگ کر دی۔ پولیس حکام کے مطابق طیارے نے پشاور ائرپورٹ پر بحفاظت لینڈنگ کر لی۔ سی 130 طیارہ کابل سے پشاور پہنچا تھا ترجمان ایوی ایشن کے مطابق طیارے کے پائلٹ نے فائرنگ کی کوئی معلومات نہیں دیں۔حکام کے مطابق طیارے کو ایک گولی لگی مکمل معائنہ کیا جا رہا ہے سی 130 طیارہ ری فیولنگ کے لئے پشاور ائرپورٹ پر اترا تھا۔ جمرود بازار میں خاصہ دار  فورس پر دہشت گردوں نے حملہ کر دیا۔ اسسٹنٹ پولیٹیکل ایجنٹ کے مطابق دہشت گردوں کے حملے میں دو اہلکار جاں بحق اور تین زخمی ہو گئے۔  بتایا گیا ہے کہ خاصہ دار فورس اور دہشت گردوں کے درمیان فائرنگ کا تبادلہ بھی ہوا۔