اسلام آباد (آن لائن)مقبوضہ کشمیرمیں بھارتی فوجیوں نے اپنی ریاستی دہشت گردی کی جاری کارروائیوں کے دورا ن گزشتہ ماہ اگست میں18کشمیریوں کو شہید کیا ، سر ینگر سے جاری کئے گئے اعدادوشمار کے مطابق ان میں سے ایک کو جعلی مقابلے کے دوران شہید کیا گیا ۔  بھارتی فوجیوں اور پولیس اہلکاروں کی طرف سے گذشتہ ماہ پر امن مظاہرین پر طاقت کے وحشیانہ استعمال کے نتیجے میں 134 افراد شدید زخمی ہوئے جبکہ174 شہریوں جن میں زیادہ تر نوجوان، حریت رہنما اور کارکن شامل تھے کو گرفتار کیا گیا۔ بھارتی پولیس اہلکاروں نے  گزشتہ ماہ 7 خواتین کی عصمت دری بھی کی۔