لاہور (نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے چوہنگ کے علاقہ ڈیفنس روڈ کے رہائشی ثاقب اکرم کے گھر گھس کر اہلخانہ کوگن پوائنٹ پر یر غمال بنا کر 8 لاکھ روپے مالیت، جوہر ٹاؤن کے رہائشی ملک نو ید انجم کے گھر سے6 لاکھ، اسلام پو رہ سنت نگر میں شاکر حیات کے گھر سے5 لاکھ، اقبال ٹاؤن گلشن بلاک میں مسز طاہر سے3 لاکھ، لیاقت آباد میں حاجی نور کے گھر سے2 لاکھ شیرا کوٹ میں وقاص سے4 لاکھ روپے اور موبائل فون، گلبرگ کلمہ چوک پر بلقیس سے3 لاکھ دس ہزار روپے کی نقدی اور سامان، ستوکتلہ ریونیو ہاوسنگ سوسائٹی میں قمر عباس کی دکان سے96 ہزارروپے، شا لیمار میں واقع پنجاب آئل سٹور سے76ہزار روپے اور موبائل فون، مصری شاہ چمڑہ منڈی میں اسلم کی بیکری سے 44 ہزار روپے اور موبائل فون، لیاقت آباد میں اسلم کے فارم سے 35 ہزار روپے اور موبائل فون، شادمان میں ایم پی اے محسن لطیف کے دفتر کے باہر عمران سے 27ہزار روپے اور موبائل فون، کاہنہ ٹاؤن سوسائٹی میں سکیورٹی گارڈ نور سے رائفل اور 22 ہزار روپے، وحد ت کالونی مدینہ سٹریٹ میں اورنگزیب سے 19 ہزار روپے اور موبائل فون، مغلپورہ فلائی اوور کے قریب ظہیر سے موٹر سائیکل اور موبائل فون، ساندہ میں چپ شاہ مزار کے سامنے اسد سے ہزاروں روپے نقدی اور موبائل فون، نشتر کالونی دیوکلاں میں عبدالحمید سے 35 ہزار روپے لوٹ لئے۔ اسی طرح چور لوہاری گیٹ فاضل مارکیٹ میں واقع سلطان کی دکان سے 30 لاکھ روپے مالیت کی قیمتی نگینے، غازی آباد میں واقع عمران کی دکان سے 4لاکھ روپے مالیت کا سامان، لاری اڈہ میں واقع خان سپورٹس سے ایک لاکھ 88 ہزار روپے مالیت کا سامان لے اڑے۔