ایشین ہاکی گیمز میں ٹیم کا ہدف گولڈمیڈل ہے : شفقت ملک
لاہور(سپورٹس رپورٹر) پاکستان ہاکی ٹیم کے کوچ اولمپئن شفقت ملک کا کہنا ہے کہ ایشین گیمز میں قومی ٹیم کا ہدف صرف اور صرف گولڈ میڈل ہوگا۔ دس ماہ سے قومی ٹیم کو ایک بھی انٹرنیشنل میچ نہ ملنے کے باوجود تربیتی کیمپ میں کھلاڑیوں کو بھرپور انداز میں تربیت دی جا رہی ہے۔ نوائے وقت کے ساتھ خصوصی گفتگو میں ان کا کہنا تھا کہ تربیتی کیمپ کا آخری مرحلہ بڑی اہمیت کا حامل ہے جس میں کھلاڑیوں کو میچ پریکٹس زیادہ کرائی جائے گی۔ اس سلسلہ میں ایک چار ٹیموں پر مشتمل میچوں کی سیریز بھی رکھی گئی ہے۔
