لاہور (نامہ نگار) دھوبی گھاٹ، چاہ میراں میں بارش کے باعث دو منزلہ مکان کی چھت گرنے سے ایک ہی خاندان کے جاں بحق ہونے والے 6 افراد میں دو بھائی، دو بہنیں، داماد اور نواسی شامل ہیں۔ بدقسمت خاندان کے سربراہ محمد اشرف کا 20 سالہ بیٹا ارشد، 15 سالہ بیٹا بلال، 27 سالہ سونیا، 22 سالہ بیٹی آصفہ، سونیا کا 35 سالہ خاوند اورنگ زیب اور سونیا کی ڈیڑھ سالہ بیٹی سمیرا شامل ہیں۔ جبکہ بدقسمت خاندان کا سربراہ اشرف نابینا ہے۔ ایک ہی خاندان کے چھ افراد کی ہلاکت پر گھر میں لوگوں کی بڑی تعداد موقع پر اکٹھی ہوگئی جبکہ علاقہ میں سوگواری کی فضا چھا گئی۔