نیویارک (سپورٹس ڈیسک ) عالمی نمبر ایک نوواک جوکووچ یو ایس اوپن ٹینس ٹورنامنٹ کے سیمی فائنل میں پہنچ گئے۔ نیویارک سٹی میں سیزن کے آخری گرینڈ سلیم یو ایس اوپن میں دلچسپ مقابلے جاری ہیں۔ مینز سنگلز کے کوارٹر فائنل میں سربین سٹار نوواک جوکووچ اور برطانیہ کے اینڈی مرے مدمقابل ہوئے ، جوکووچ نے پہلا سیٹ سات چھ سے اپنے نام کیا۔ دوسرے سیٹ میں اینڈی مرے نے کم بیک کرتے ہوئے سات چھ سے فتح سمیٹی لیکن تیسرے سیٹ میں جوکووچ نے برطانوی سٹار کو چھ دو سے زیر کیا ، تاہم چوتھے سیٹ میں بھی ورلڈ نمبر ون نوواک جوکووچ نے چھ دو سے کامیابی حاصل کی اور سیمی فائنل میں سیٹ پکی کی۔ جاپان کے نیشی کوری نے سوئٹزر لینڈ کے واورینکا کوسخت مقابلے کے بعد شکست دیکر سیمی فائنل میں جگہ بنالی ۔ انہوں نے کوارٹر فائنل میں تین چھ‘سات پانچ‘نو سات‘پانچ سات اور چھ چار سے کامیابی حاصل کی ۔ویمنز سنگلز مقابلوں میں امریکی سرینا ولیمز نے پنیٹا کو چھ تین اور چھ دو شکست دیکر سیمی فائنل کیلئے کوالیفائی کر لیا ۔بھارتی ثانیہ مرزا اور کارلا بلیک کی جوڑی ویمنز ڈبلز کے سیمی فائنل میں پہنچ گئی ۔ انہوں نے کوارٹر فائنل میں ڈیاس اور وائی ژو کے خلاف کامیابی حاصل کی ۔