لاہور (سپورٹس رپورٹر) کرکٹرز کی طرح ہاکی پلیئرز کو بھی میڈیا سے بات کرنے کے حوالے سے ’’کرفیو‘‘ نافذ کر دیا گیا ہے۔ قومی ٹیم کے ہیڈ کوچ کی جانب سے کھلاڑیوں کو سختی سے منع کیا گیا ہے کہ کوئی کھلاڑی میڈیا میں کسی قسم کی بیان بازی نہ کرئے اگر کسی کھلاڑیوں نے ایسا کیا تو اس کی ذمہ داری اسی کھلاڑی پر عائد ہوگی۔ ایشین گیمز کی تیاری کے لیے پاکستان ہاکی ٹیم کا تربیتی کیمپ آخری مرحلے میں اسلام آباد کے نصیر بندہ ہاکی سٹیڈیم میں جاری ہے جہاں سلیکشن کمیٹی کی سفارش پر منتخب ہونے والے کھلاڑی ہیڈ کوچ شہناز شیخ کی زیر نگرانی تربیت حاصل کر رہے ہیں۔ پاکستان ہاکی ٹیم کے کھلاڑیوں سے ایشین گیمز کی تیاری کے حوالے بات کرنے کی کوشش کی گئی تو کھلاڑیوں نے یہ کہہ کر معذرت کر لی کہ انہیں ہیڈکوچ کی جانب سے وایت ہے کہ میگا ایونٹ سے قبل کوئی کھلاڑی میڈیا سے گفتگو نہیں کرے گا۔