اسلام آبا (این این آئی) 4 رکنی قومی ٹینس ٹیم تھائی لینڈ کے خلاف ڈیوس کپ ٹائی کے فائنل میں شرکت کیلئے بنکاک پہنچ گئی ۔
 پاکستان تھائی لینڈ کے ساتھ ڈیوس کپ ٹائی گروپ ٹو کا فائنل 12سے14ستمبر تک تھائی لینڈ کے شہر بنکا ک میں کھیلا جائیگا۔ کھلاڑیوں میں عقیل خان، یاسر خان اور محمد عابد جبکہ افیشلز میں محمد خالد بطور نان پلینگ کیپٹن ٹیم کے ہمراہ ہیں۔  اعصام الحق  ایک روز قبل بنکاک پہنچ چکے ہیں اور وہاں پر وہ ٹیم کو جوائن کرینگے۔ قومی کھلاڑی سمیر افتخار نے  بھی امریکا سے براہ راست ٹیم کو جوائن کر لیا ہے  تاہم وہاں پر یاسر خان اور محمد عابد کے خلاف میچ میں کامیابی کی صورت میں انہیں ڈیوس کپ ٹیم میں شامل کیا جائیگا۔