فیصل آباد (نمائندہ خصوصی) سعید اجمل انٹر نیشنل کرکٹ اکیڈمی زرعی یونیورسٹی میں ہونے والی پہلی سائیکا انٹر لوپ T20کرکٹ لیگ چیمپئن شپ کے سلسلے میں گزشتہ روز دو میچ کھیلے گئے پہلے میچ میں سرگودھا نے قاسمی کرکٹ کلب کراچی کو 8وکٹوں سے شکست دی۔ بارش سے متاثرہ میچ میں قاسمی کرکٹ کلب کراچی نے پہلے بیٹنگ کر تے ہوئے 15.3 اوور میں 6کھلاڑیوں کے نقصان پر 108رنز بنائے۔ بارش کی وجہ سے ڈی ایل کے تحت سرگودھا کو 10اوور میں 90رنز کا ٹارگٹ ملا جو اس نے8.5اوور میں دو وکٹ کھو کر پورا کر لیاسرگودھا کے تیمور کو میچ کا بہترین کھلاڑی قرار دیا گیا۔ دوسرا میچ سعید اجمل اکیڈمی اور ملک کرکٹ اکیڈمی پشاور کے درمیان کھیلا گیا جو سعید اجمل کرکٹ اکیڈمی نے کپتان صابر حسین کا آل رائونڈ کارگردگی کے باعث 9وکٹوں سے جیت لیا اور سیمی فائنل میں جگہ بنا لی ملک کرکٹ اکیڈمی پشاور کی ٹیم 12.4اوور میں 44رنز پر ڈھیر ہو گئی۔ صابر حسین نے چار کھلاڑیوں کو آئوٹ کیا۔ سائیکا نے ہدف ایک وکٹ کے نقصان پر 4.1 اوور میں پورا کر لیا۔