لاہور(سپورٹس رپورٹر+نمائندہ سپورٹس) پیس کپ ہاکی ٹورنامنٹ کے افتتاحی روز ڈاکٹر غلام رسول الیون اور منیر ڈار الیون نے میچز جیت لئے۔ جوہر ہاکی سٹیڈیم میں  ڈاکٹر غلام رسول الیون نے بریگیڈیئر عاطف الیون کے خلاف دو ایک سے کامیابی حاصل کی۔ فاتح ٹیم کی جانب سے ابوبکر اور عثمان طارق نے گول کئے جبکہ بریگیڈئر عاطف الیون کی جانب سے واحد گول ذیشان نے کیا۔ منیر ڈار الیون نے ائرمارشل (ر) نور خان الیون کے خلاف 4-2 سے کامیابی سمیٹی۔ فاتح ٹیم کی جانب سے بلال نے گول کئے جبکہ وسیم اکرم اور خالد بھٹی نے ایک ایک گول کیا۔ نور خان الیون کی جانب سے دونوں گول عاطف بیگ نے کئے۔