پمز اور پولی کلینک میں ہائی الرٹ عملے کی چھٹیاں منسوخ
اسلام آباد(آن لائن)جڑواں شہروں میں دفعہ 144کے نفاذ اور پاکستان تحریک انصاف کے کارکنوں کی گرفتاری کی حالیہ حالات پر پمز پولی کلینک میں ہائی الرٹ کردیا گیا جبکہ تمام عملے کی چھٹیاں بھی منسوخ کردی گئیں ۔ تفصیلات کے مطابق ہفتے کے روز پی ٹی آئی کے چالیس کارکنوں کی گرفتاری اور دفعہ 144کے تحت کسی بھی ایمرجنسی صورتحال سے نمٹنے کیلئے پمز اور پولی کلینک ہسپتالوں کو ہائی الرٹ رکھا گیا جبکہ ایمرجنسی میں تمام قسم کی سہولیات اور دوائیاں فراہم کردی گئیں ہیں ۔ دوسری جانب تمام عملے کی چھٹیاں بھی منسوخ کردی گئیں ہیں۔
