کوئٹہ (این این آئی) پاک افغان سرحد پر چمن کے علاقے میں نامعلوم ملزمان نے نیٹو کنٹینر پر فائرنگ کردی جس کے نتیجے میں دو افراد زخمی ہوگئے۔ پولیس آفیشل وہاب خان نے بتایا کہ موٹرسائیکل پر سوار دو ملزمان نے چمن بائی پاس کے علاقے میں نیٹو کنٹینر پر فائرنگ کی۔ جس کے نتیجے میں ڈرائیور اور کلینر زخمی ہوگئے۔ ملزمان جائے وقوعہ سے باآسانی اپنی موٹر سائیکلوں پر فرار ہونے میں کامیاب ہوگئے۔ واقعہ کے بعد ایف سی اور پولیس اہلکاروں کی بھاری نفری نے موقع پر پہنچ کر واقعہ کی تحقیقات شروع کردی ہیں کنٹینر کراچی سے افغانستان میں موجود نیٹو افواج کیلئے سامان لے کر جا رہا تھا۔
نیٹو کنٹینر/ فائرنگ