لاہور (خبرنگار) حکومت پنجاب کے ترجمان سید زعیم حسین قادری نے کہا ہے کہ چودھری برادران اپنے دور حکومت میں باتیں بناتے رہے مگر شہباز شریف کام کرتے ہیں۔ ناگہانی سیلاب کی وجہ سے قوم مشکل میں ہے مگر چودھری برادران اقتدار کیلئے تڑپ رہے ہیں۔ قوم نے چودھری برادران سمیت اقتدار کے سیاسی پجاریوں کا اصل چہرہ دیکھ لیا ہے۔ انہوں نے کہا کہ کالاباغ ڈیم چودھری برادران کے 10 سالہ دور اقتدار میں کیوں نہیں بنا؟ قوم جواب چاہتی ہے۔ انہوں نے کہا پاکستانی قوم سیلاب کی وجہ سے پیدا ہونے والی مشکل صورتحال میں بخوبی سرخرو ہو گی۔ مسلم لیگ (ن) کی مخلص قیادت سیلاب متاثرین کی مکمل بحالی تک چین سے نہیں بیٹھے گی۔
زعیم قادری