اسلام آباد (آئی این پی) بے نظیر بھٹو انٹرنیشنل ایئرپورٹ کی نئی پارکنگ آج عوام کیلئے کھول دی جائے گی۔ نور خان ایئربیس روڈ کے ساتھ بنائی جانے والی کار پارکنگ میں 270گاڑیوں اور 80 موٹر سائیکلوں کی پارکنگ کی سہولت موجود ہے، اس میں سول ایوی ایشن، پی آئی اے، اے ایس ایف، پاکستان کسٹم، انٹی نارکوٹکس سمیت انٹرنیشنل ایئرلائنز کے ملازمین اپنی گاڑیاں پارک کر سکیں گے۔ واضح رہے ایئرپورٹ پر محدود پارکنگ کے باعث شدید رش کو سکیورٹی رسک قرار دیا گیا تھا۔