ایشین گیمزمیں قومی ٹیم سے میڈل کی امید رکھنا فضول ہے: حنیف خان
کراچی(این این آئی)اولمپیئن حنیف خان نے کہا ایشین گیمزمیں قومی ٹیم سے میڈل کی امید رکھنا فضول ہے ٗ ایک سال تک انٹرنیشنل مقابلوں کے بجائے صرف ڈومیسٹک ہاکی پر توجہ دی جائے۔ انہوں نے کہا جن کھلاڑیوں میں جان باقی نہیں انہیں ٹیم سے فارغ کیا جائے۔ جب تک کھلاڑیوں کی فزیکل فٹنس بہتر نہیں ہوگی تو ٹیم ہدف حاصل نہیں کرسکتی۔ انہوںنے کہا پاکستان ٹیم کا ایشین گیمز میں سیمی فائنل سے آگے بڑھنا مشکل نظر آتا ہے۔ سابق کپتان نے کہاپاکستان ہاکی فیڈریشن ایک سال تک انٹرنیشنل مقابلوں کے بجائے صرف ڈومیسٹک ایونٹ پر توجہ دے۔
