لاہور ( سپورٹس رپورٹر ) قومی ٹی ٹونٹی کپ کی تیاری کے سلسلے میں ایل سی سی اے گراؤنڈ میں دوسرے پریکٹس میچ میں لاہور لائنز نے لاہور ایگلز کو 5وکٹوں سے شکست دے دی۔ لاہور ایگلز نے پہلے بیٹنگ کرتے ہوئے مقررہ 20اوورز میں 6 وکٹوں کے نقصان پر 137رنز بنائے حسین طلعت نے 37، توفیق عمر اور عمران فرحت نے 21,21، عثمان قادر نے 16اور سمیع اسلم نے 15رنز بنائے۔ لاہور لائینز کی جانب سے محمد آفتاب نے 2، جنید ضیاء ، فرحان نذر، عماد علی اور یاسر اجمل نے 1,1 کھلاڑی کو آئوٹ کیا۔لاہور لائنز نے فرحان نذرکے 20ویں اوور کی آخری گیند پر چھکے سے کامیابی حاصل کی۔ کامران اکمل نے 51، عدنان اکمل نے 26 اور فرحان نذر نے 12رنز کی ناقابل شکست اننگ کھیلی۔ لاہور ایگلز کی جانب سے عثمان ملک نے 2، عثمان قادر ، بلاول اقبال اور رضا علی ڈار نے 1,1وکٹ حاصل کی ۔