گلگت (آئی این پی) گلگت سے 36 کلومیٹر دور واقع نلتر بالا میں پاکستان ایئرفورس کے دو افسران سمیت 3 اہلکاروں پر نامعلوم افراد کا ڈنڈوں اور کلہاڑیوں سے حملہ، دو کی حالت تشویشناک، تینوں زخمیوں کو سی ایم ایچ گلگت پہنچا دیا گیا، واقعہ کے فوری بعد پولیس کی بھاری نفری نلتر بالا پہنچ گئی اور علاقہ میں سرچ آپریشن کیا۔ تفصیلات کے مطابق جمعہ کو نلتر بالا جہاں پر پاک فضائیہ سکی کے کھیل کے فروغ کےلئے سکی سلوپ کے علاوہ چیئر لفٹ بھی لگا رہی ہے وہاں ڈیوٹی پر تعینات گروپ کیپٹن وقاص بٹ، وارنٹ آفیسر لیاقت اور سینئر ٹیک محمد عباس پر نامعلوم افراد نے ڈنڈوں اور کلہاڑیوں سے حملہ کر کے انہیں شدید زخمی کر دیا، دو کی حالت تشویشناک بتائی گئی ہے۔ ایس پی گلگت محمد علی ضیاءنے حملہ آوروں کی گرفتاری کےلئے سرچ آپریشن شروع کر دیا ہے، جلد ہی انہیں گرفتار کر لیا جائے گا۔
فضائیہ کے دو افسر