لاہور( خبر نگار) لاہور انتظامیہ کی جانب سے ڈینگی مچھروں کے خاتمے کے لیے کیا جانے والا سپرے مچھروں کی افزائش کا باعث بننے لگا ۔ کینٹ کے علاقے قینچی امرسدھو ، گلستان کالونی میں 3 روز پہلے ڈینگی کے خاتمے کے لیے سپرے کیا گیا ۔ جس کے بعد مچھروں کا خاتمہ ہونے کی بجائے مچھروں کی بہتات ہوگئی ہے ۔ سپرے سے پہلے مچھر ضرور تھے مگر ناقص صفائی والوں میں زیادہ تھے ۔ لیکن سپرے کے بعد صورتحال الٹ ہوگئی ہے ۔ شہریوں شبیر ، سعید ، مسعود ، جاوید ، عرفان اور دیگر نے بتایا کہ مچھروں کی اچانک بھرمار ہوگئی ہے ۔ بجلی کی لوڈشیڈنگ بھی بڑھ گئی ہے جس کے باعث رات کو مچھر سونے نہیں دیتے ۔ خصوصاً بچے ساری رات رو رو کر گزارتے ہیں جس سے والدین بھی پریشان ہیں ۔ شہریوں نے ناقص سپرے کے حوالے سے حکومت سے نوٹس لینے کا مطالبہ کیا ہے ۔