شیخوپورہ: کارخانے کے عملے نے تشدد کر کے میٹر ریڈر مار ڈالا، ورثا کا احتجاج
شیخوپورہ (آئی این پی) محکمہ سوئی گیس کی ٹیم نے چٹھہ کالونی میں برف بنانے والے کارخانے پر چھاپہ مارا۔ چھاپے کے دوران فیکٹری عملے کے تشدد سے میٹر ریڈر جاں بحق ہو گیا۔ ورثاء نے نعش سڑک پر رکھ کر احتجاج کیا اور فیکٹری پر دھاوا بول کر توڑ پھوڑ کی۔ بدھ کو محکمہ سوئی گیس کی ٹیم چٹھہ کالونی میں برف بنانے والے کارخانے پر چھاپہ مارا تو اس دوران فیکٹری عملے نے ان پر حملہ کیا اور تشدد کیا جس کے باعث میٹر ریڈر جنید دم توڑ گیا۔ واقعہ کے بعد ورثا نے نعش کو لاہور روڈ پر رکھ کر شدید احتجاج کیا اور سڑک بلاک کر دی۔
