لاہور: ہربنس پورہ میں تین ڈاکو اہل علاقہ کے ہتھے چڑھ گئے ، پولیس کے حوالے کر دیا
لاہور (آن لائن) ہربنس پورہ کے علاقے میں اہل محلہ نے تین ڈاکوئوں کو پکڑ کر پولیس کے حوالے کر دیا۔ تفصیلات کے مطابق تین ڈاکو افضل ،بابر اور ہارون علاقے میں واردات کے بعد فرار ہو رہے تھے کہ اہل علاقہ نے شک پڑنے پر ان سے پوچھ گچھ کی جس پر وہ کوئی تسلی بخش جواب نہ دے سکے۔ اہل علاقہ نے ان کو پکڑ کر تلاشی لی تو ان کے قبضے سے چوری کیا گیا سامان بر آمد ہو گیا۔ اہل محلہ نے مقامی تھانے میں اطلاع دی جس پر پولیس نے تینوںکو حراست میں لے کر تھانے منتقل کر دیا۔
