قصور (نامہ نگار) کنگن پور کے نواح میں موٹر سائیکل اور ٹریکٹر ٹرالی کے تصادم میں ایک ہی خاندان کے تین افراد جاں بحق ہوگئے۔ مشتاق احمد اپنی والدہ برکت بی بی اور ہمشیرہ نادیہ کے ہمراہ موٹر سائیکل پر کنگن پور سے اپنے گائوں بقا پور جا رہا تھا کہ مخالف سمت سے آنے والی تیز رفتار ٹریکٹر ٹرالی نے موٹر سائیکل کو ٹکر مار دی اور انہیں کچلتی ہوئے گزر گئی جس کے نتیجے میں تینوں موقع پر دم توڑ گئے جبکہ نا معلوم ٹریکٹر ٹرالی ڈرائیور جائے حادثہ سے فرار ہو گیا۔