لاہور(خصوصی رپورٹر) پاکستان کرکٹ بورڈ کے چیئرمین شہریار خان، ویمنز کرکٹ ونگ کی چیئرپرسن بشریٰ اعتزاز اور ویمنز کرکٹ ٹیم کی کپتان ثناء میر نے وزیراعلیٰ شہباز شریف کی جانب سے خواتین کرکٹرز کی حوصلہ افزائی کے لئے تقریب کے انعقاد پر انہیں خراج تحسین پیش کرتے ہوئے کہاکہ وزیراعلیٰ شہبازشریف نے خواتین کھلاڑیوں کی ہمیشہ بھرپور حوصلہ افزائی کی ہے اور اس سے پہلے جب ہم جیت کر آئے تھے، اس وقت بھی سب سے پہلے وزیراعلیٰ شہبازشریف نے ہمیں بلا کر عزت دی تھی اور آج بھی انہوں نے ہماری حوصلہ افزائی کی ہے جس پر ہم ان کے شکر گزار ہیں۔ وزیراعلیٰ نے جب کھلاڑیوں کے لئے 5 ،5لاکھ روپے انعام کا اعلان کیا تو تمام کھلاڑیو ںنے بھر پورتالیاں بجاکر خوشی کا اظہار کیا۔ وزیراعلیٰ نے کھلاڑیوں میں میڈلز بھی تقسیم کئے۔