ملتان (نوائے وقت رپورٹ) سابق وزیر اعظم یوسف رضا گیلانی نے کہا ہے کہ بلاول بھٹو کی قیادت میں پیپلز پارٹی مضبوط ہو رہی ہے۔ ہم آپس میں ناراض ہو سکتے ہیں لیکن بلاول بھٹو سے کوئی گلہ نہیں۔ پیپلزپارٹی کا ہر رکن قومی اسمبلی کا رکن بن سکتا ہے۔ ایک امیدوار کہتے تھے میں بدستور پی ٹی آئی کا صدر ہوں۔ کہتے تھے میرے بغیر جلسہ نہیں ہو سکتا۔ یہ پہلے صدر ہیں جو پارٹی کے ٹکٹ پر الیکشن نہیں لڑ رہے۔ مسلم لیگ (ن) نے اپنا امیدوار کھڑا کرنے کی بجائے جاوید ہاشمی کی سپورٹ کی آج جو انقلاب کی باتیں کرتے ہیں وہ اپنے ساتھ وفاداریاں بدلنے والے لوگ رکھتے ہیں۔