قومی ایتھلیٹکس چیمپئن شپ،فاٹا ٹیم کے کیلئے ٹرائلز 10 اکتوبر کو ہوں گے
پشاور (اے پی پی) قومی ایتھلیٹکس چیمپئن شپ کےلئے فاٹا ٹیم کے چناﺅ کیلئے ٹرائلز 10 اکتوبر کو قیوم سپورٹس کمپلیکس پشاور میں ہوں گے۔ قومی ایتھلیٹکس چیمپئن شپ 17 اکتوبر کو جناح سپورٹس کمپلیکس اسلام آباد میں ہو گی۔
فاٹا ایتھلیٹکس ایسوسی ایشن کے سیکرٹری مشرف خان نے بتایا ہے کہ فاٹا ڈومیسائل کے حامل مردوخواتین ایتھلیٹس ٹرائلز میں شرکت کے اہل ہوں گے۔ چیمپئن شپ میں پنجاب، سندھ، خیبرپختونخوا، بلوچستان، فاٹا، آزاد جموں و کشمیر، گلگت بلتستان اور اسلام آباد کی ٹیمیں شرکت کریں گی۔
