پنجاب میں ایک ہی نعرہ ”مظلوموں کی پہچان ایم کیو ایم ہے“ گونجے گا: الطاف
لندن+ کراچی (نوائے وقت رپورٹ+ نیوز رپورٹر) ایم کیو ایم کے قائد الطاف حسین نے کہا ہے کہ پاکستان کو بچانے اور اسکی سلامتی و ترقی کی واحد امید ایم کیو ایم ہے۔ آنیوالے کل میں پورے پنجاب میں ایک ہی نعرہ گونجے گا کہ ”مظلوموں کی پہچان اگر ہے تو ایم کیو ایم ہے“۔ اللہ کرے کہ یہ عید پاکستان کیلئے نیک شگون ثابت ہو۔ فرسودہ جاگیردارانہ، وڈیرانہ نظام غریب و مظلوم عوام کی محروم کے خاتمے کی نوید ثابت ہو۔ انہوں نے پاکستانی مسلمانوں سمیت ملت اسلامیہ کو عید الاضحی کی دلی مبارکباد پیش کی اور کہا کہ عید الاضحی تمام مسلمانوں کو اللہ تعالیٰ کی رضا اور خوشنودی کیلئے اپنی عزیز ترین چیزوں کی قربانی دینے کا درس دیتی ہے۔ انہوں نے کہاکہ مخیر اور صاحب حیثیت افراد عید الاضحی کی سچی خوشیاں حاصل کرنے کیلئے سیلاب زدگان، آئی ڈی پیز، غربائ، مساکین، بیواﺅں، یتیموں اور مستحق افراد کو یاد رکھیں اور ان کی بھرپور مدد کریں۔
الطاف حسین
