لاہور (خبرنگار) لاہور سے دبئی جانے والی پی آئی اے کی پرواز حادثے سے بچ گئی۔ ٹیک آف کے فوری بعد اولے گرنے سے سکرین چٹخ گئی۔ طیارے کو بحفاظت واپس اتارلیا گیا۔ پی آئی اے کے ذرائع کے مطابق دبئی جانیوالی پی آئی اے کی پرواز پی کے 203حادثے کا شکار ہونے سے بچ گئی،پروازنے ٹیک آف کیا ہی تھا کہ گہرے بادلوں میں اولے ٹکرانے سے سکرین میں کریک پڑگئے، طیارے کو بحفاظت واپس اتار لیا گیا۔ ذرائع کا کہنا ہے کہ مسافروں کو متبادل پرواز سے دبئی بھجوانے کے انتظامات کر لئے گئے، طیارہ حال ہی میں لیزپر لیا گیا تھا۔