لاہور+ قصور (سٹاف رپورٹر+ نمائندہ نوائے وقت) صوبائی دارالحکومت میں ڈاکوئوں اور چوروں نے متعدد وارداتوں میں شہریوں سے لاکھوں روپے، زیورات، گاڑیاں اور موٹر سائیکلیں و دیگر قیمتی سامان چھین لیا۔ ڈاکوئوں نے مزاحمت پر پولیس اہلکار تبسم کو زخمی کردیا جبکہ قصور میں ڈاکوئوں کی فائرنگ سے ایک شہری جاں بحق ہوگیا۔ ماڈل ٹائون لاہور میں ڈاکوئوں نے پولیس اہلکار تبسم نصیر اور اسکی فیملی سے 7 لاکھ روپے، زیورات لوٹ لئے اور مزاحمت پر تبسم کو زخمی کردیا اور فرار ہوگئے۔  ڈیفنس بی فیز 5 منور کے گھر سے 6 لاکھ، گرین ٹائون کے حاکم ٹائون میں دو ڈاکوئوں نے جنید کے گھر سے 3 لاکھ ،گڑھی شا ہو لاریکس کالونی کے رہا ئشی شاہنواز کے گھر سے تین ڈاکو پانچ لاکھ، مصطفی ٹائون قیوم بلاک کے رہا ئشی منصور اختر کے گھر سے دو ڈاکو ڈیرھ لاکھ ستوکتلہ پنجاب ہائوسنگ سوسائٹی کے رہائشی دلنوازکے گھر سے سا ڑھے تین لاکھ، لیا قت آباد کیو بلاک کے راشدکے گھر سے 70ہزار اور زیورات، گوالمنڈی سرکلر روڈ پر واقع رئوف کی دکان سے ایک لاکھ چالیس ہزار اور موبائل چھین لیا گیا۔ لبرٹی مارکیٹ میں ڈاکوئوں نے کار سوار فیملی سے 2 لاکھ روپے کے زیورات چھین لئے۔ جوبلی ٹائون میں آصف سے 2 لاکھ روپے، فیکٹری ایریا میں احمد سے ایک لاکھ 55 ہزار روپے و موبائل، ہئیر میں قیصر سے ایک لاکھ 15 ہزار اور موبائل چھین لیا۔ ستوکتلہ میں ڈاکوئوں نے شاہد سے ایک لاکھ 50 ہزار اور موبائل فون، باغبانپورہ میں رمضان سے 58 ہزار روپے اور موبائل، مزنگ میں کمال سے 28 ہزار اور موبائل، گجر پورہ میں شہزاد سے 56 ہزار روپے اور لیپ ٹاپ، شاہدرہ میں عرفان سے 78 ہزار روپے، رنگ محل میں کاشف سے 70 ہزار روپے اور موٹر سائیکل، سمن آباد میں ارسلان سے 75 ہزار روپے اور موبائل، ٹائون شپ میں طاہر سے 57 ہزار روپے، نواب ٹائون میں واجد سے 75 ہزار روپے، نشتر کالونی میں خالد سے ایک لاکھ روپے اور زیورات چھین لئے۔ گلشن راوی میں اشفاق، نواب ٹائون میں محمود، گارڈن ٹائون میں علی کی گاڑیاں جبکہ ڈیفنس اے میں مقصود، شاہدرہ میں بابر، فیکٹری ایریا میں سلمان، پرانی انارکلی سے طفیل، باغبانپورہ میں ساجد، گجر پورہ میں زاہد، جنوبی چھائونی میں عثمان، مزنگ میں رشید، شالیمار میں وقاص، شاد باغ میں کلیم، لوئرمال میں خالد کی موٹر سائیکلیں چرا لی گئیں۔ قصور کے نواحی گائوں چوہا چرست کے قریب 4 ڈاکوئوں نے موٹر سائیکل سوار نیاز اور لیاقت کو رکنے کا اشارہ کیا، نہ رکنے پر فائرنگ کردی جس سے نیاز جاں بحق ہوگیا۔
ڈاکے/ چوریاں