لاہور( نمائندہ سپورٹس)علی گڑھ کرکٹ کلب نے پریکٹس میچ میں پائینر کرکٹ کلب کو 85 رنز کے مارجن سے شکست دیدی۔علی گڑھ کرکٹ گرائونڈ میں کھیلے گئے میچ میں میزبان ٹیم نے پہلے کھیلتے ہوئے 4کھلاڑیوں کے نقصان پر270رنز بنائے،عارف نذر نے 100، بلاول اقبال نے چالیس اور امتیاز تارڈ نے35 رنز بنائے،پائینر کلب کی جانب سے محمد ظہور نے 2 وکٹیں حاصل کیں۔جواب میں پائینر کلب 185 رنز بنا کر آئوٹ ہوگئی ، احتشام بٹ نے65 اور ندیم بٹ نے35 رنز کی اننگز کھیلی۔ علی گڑھ کی جانب سے نصیر ملک 3، حافظ محمد اویس اور امتیاز تارڈ نے2،2 وکٹیں حاصل کیں۔