کراچی (اے پی اے+ نوائے وقت رپورٹ) پیپلزپارٹی کے چیئرمین بلاول بھٹو زرداری نے گذشتہ روز لیاری کا دورہ کیا، علاقہ مکینوں سے ملاقات کی، لیاری پہنچنے پر بلاول کا پرتپاک استقبال کیا گیا۔ وہ علاقہ مکینوں سے گھل مل گئے۔ بعدازاں بلاول بھٹو زرداری نے لیاری میں دولہے شاہ کے مزار پر حاضری دی اور پھولوں کی چادر چڑھائی جس کے بعد وہ عبداللہ شاہ غازی کے مزار پر بھی گئے اور فاتحہ خوانی کی۔ اس موقع پر سکیورٹی کے سخت انتظامات کیے گئے تھے۔