سید شعیب الدین سے
٭… میاں منظور وٹو کی طرف سے آصف زرداری کے اعزاز میں دیئے گئے عشائیے میں سابق وزیراعظم راجہ پرویز اشرف، وزیر اعلیٰ گلگت، بلتستان مہدی شاہ، سینئر وزیر آزادکشمیر چودھری یاسین، فردوس عاشق اعوان، پیر سید اعجاز ہاشمی اور اے این پی کے جنرل سیکرٹری احسان وائیں نے بھی شرکت کی۔٭… صدر آصف زرداری کی آمد سے پہلے بم ڈسپوزل سکواڈ نے بم ڈھونڈنے والے آلے اور کتے کی مدد سے ہال خصوصاً سٹیج کی کڑی چھان بین کی۔٭… بحریہ ٹائون کے ہوٹل کے ہال میں ہونے والے اس عشائیے کے موقع پر پولیس کی بھاری نفری تعینات کی گئی تھی۔٭… آصف زرداری کی ہال میں آمد اور تقریر کے دوران نعرہ بھٹو، جئے بھٹو، زندہ ہے بی بی زندہ ہے کے نعرے لگائے گئے۔٭… آصف زرداری نے کہا کہ اس عید سے پہلے انہوں نے پنجاب میں صرف جیل کی کال کوٹھری میں عید منائی تھی۔٭… آصف زرداری نے اپنی تقریر کا آغاز پڑھا لکھا پنجاب السلام علیکم کہہ کر کیا۔