شارجہ( سپورٹس ڈیسک) متحدہ عرب امارات میں جاری سیریز کے چار روزہ پریکٹس میچ کے پہلے دن پاکستان اے نے ٹاس جیت کر آسٹریلیا کے خلاف8وکٹوں کے نقصان پر305رنز بنالئے۔ کپتان اسدشفیق 108رنز بنا کر کھیل رہے ہیں۔ پاکستان کو حسب روایت کھیل کے آغاز سے ہی مشکلات کا سامنا کرنا پڑا  جب پہلی وکٹ صرف6کے مجموعی سکور پر گر گئی۔ اوپنرشان مسعود6رنز بنا کر جانسن کی گیند پر ہیڈن کو کیچ تھما بیٹھے۔11کے مجموعی سور پر اسرار اللہ5رنز بنا کر پویلین لوٹ گئے۔ قومی اے ٹیم کی وکٹیں وقفے وقفے سے گرتی رہیں۔ بابر اعظم40، حارث سہیل43، وکٹ کیپر عدنان اکمل25، رضا حسن5 اور محمد طلحہ2 رنز بنا کر آئوٹ ہوئے۔ کپتان اسد شفیق 108 جبکہ احسان عادل صفر پر موجود ہیں۔ اوکیفی نے3، پیٹر سیڈل نے2، مچل جانسن، ہلفنہاس اور سمتھ نے ایک ایک وکٹ حاصل کی۔