لاہور+کراچی (سپورٹس رپورٹر) قائداعظم ٹرافی گولڈ کرکٹ ٹورنامنٹ کے پہلے روز ڈائمنڈ کرکٹ گراﺅنڈ اسلام آباد میں پہلے دن بولرز چھائے رہے اور صرف246 رنز پر20 وکیٹں گرگئیں۔ یونائیٹڈ بینک کی ٹیم95 رنز پر ڈھیرہوگئی۔عمرامین کی شاندار سنچری ،سہیل تنویر اورمدثر علی نے5,5 شکار کئے۔ملتان میں ملتان ٹائیگرز کے خلاف پورٹ قاسم کی ٹیم نے پہلی اننگز میں 5وکٹوںپر290 رنز بنالئے ۔ عمر امین 101 رنز پر موجود ہیں ۔ نیشنل بینک کیخلاف راولپنڈی ریمز9 وکٹوں پر281 رنز بنالئے۔ واپڈا کیخلاف پشاور پینتھرز109 رنز بناکر پولین لوٹ گئی ۔ واپڈا نے2 وکٹوں پر140 رنزبنالئے۔ لاہور لائنز زرعی ترقیاتی بینک کے خلاف226 رنز بناکر آﺅٹ ہوگئی۔ اسلام آباد لیپرڈز کے خلاف یونائیٹڈ بینک کی ٹیم95 رنز پر ڈھیر ہوگئی ۔ اسلام آباد لیپرڈز بھی151 رنز پر پولین لوٹ گئی۔کراچی کے نیشنل اسڈیڈیم میں کراچی ڈلفنز اور سوئی گیس کے درمیان میچ آج شروع ہوگا۔