مقبوضہ کشمیر: ایک اور لاپتہ شخص کی تشدد زدہ نعش برآمد، کھلونا بم پھٹنے سے 2 بچے زخمی
سرینگر(اے این این) مقبوضہ کشمیر سے ایک اور لاپتہ شخص کی تشدد زدہ لاش برآمد،کھلونا سمجھ کر دستی بم سے کھیلنے والے دو بچے دھماکے سے زخمی، تفصیلات کے مطابق مقبوضہ کشمیر کے علاقے ترال کے نواحی گاؤں مڈورہ نانر میں دو بچے اپنے گھر وںکے قریب کھیتوں میں کھیل رہے تھے اس دوران انھیں دستی بم ملا جسے کھلونا سمجھ کر بچوں نے کھیلنا شروع کر دیا۔اس دوران ہینڈ گرنیڈ دھماکے سے پھٹ گیا جس کے نتیجے میں غوثیہ فیاض اور احسان بشیر زخمی ہو گئے۔دونوں بچوں کو پسپتال منتقل کر دیا گیا ہے۔ ادھر کولگام میں ایک اور لاپتہ شخص کی تشدد زدہ نعش برآمد ہوئی ہے۔ یہ نعش لیوڈورا قاضی گنڈکولگام سے بر آمد ہوئی ہے اور مرنے والے کی شناخت راجیش کمار کے ہوئی ہے۔کپواڑہ پولیس نے گوجر پتی زرہامہ سے فاروق احمد نعش گوجر پتی جنگل سے برآمد کیا تھا۔ جس پر ورثاء نے الزام عائد کیا تھا کہ فاروق احمد بھارتی فورسز کی حراست میں مارا گیا ہے۔لواحقین نے واقعہ پر شدید احتجاج کیا تھا۔
