غازی تربیلہ : سکول میں طلبا پر بجلی کا تار گرگیا، 11 جھلس گئے
غازی تربیلہ(آن لائن)غازی تربیلہ کے علاقے کے گورنمنٹ پرائمری سکول میں اسمبلی کے دوران بجلی کا تار گرنے سے 11طالب علم جھلس کرزخمی ہوگئے۔ پولیس کے مطابق گورنمنٹ پرائمری سکول الدو میں دوران اسمبلی بجلی کا تار گرگیا۔ واقعے میں 11طالب علم جھلس کر زخمی ہوگئے۔زخمی طلبا کو واہ آرڈیننس فیکٹری کے ہسپتال منتقل کردیاگیاہے، جن میں سے 5کی حالت تشویشناک ہے۔ سکول انتظامیہ کے مطابق سکول کے اوپر سے 11کے وی کے تارگزر رہے ہیں۔ انہوں نے کئی بار متعلقہ حکا م کی توجہ اِس جانب دلائی مگر شنوائی نہیں ہوئی۔
