لاہور (پ ر) کوآپریٹو ٹریننگ کالج فیصل آباد کا زرعی یونیورسٹی فیصل آباد کے ساتھ الحاق ہو گیا ہے اب کواپریٹو ٹریننگ کالج فیصل آباد اور کواپریٹو ٹریننگ سنٹر بہاولپور میں ٹریننگ حاصل کرنے والوں کو زرعی یونیورسٹی فیصل آباد باضابطہ ڈگری جاری کرے گی۔ اس کا اظہار سیکرٹری کواپریٹو پنجاب بابر حیات تارڑ نے محکمہ امداد باہمی اور پنجاب پراونشل کواپریٹو بینک لمیٹڈ کے اجلاس میں کیا۔ اس سلسلہ میں پہلا ڈپلومہ پروگرام کمیونٹی ڈویلپمنٹ کے حوالے سے شروع کیا جا رہا ہے۔ سلیبس کی تیاری اور ٹریننگ پروگرام ترتیب دینے کیلئے زرعی یونیورسٹی فیصل آباد کے ماہرین اور محکمہ کواپریٹو پر مشتمل ایڈوائزری کمیٹی تشکیل دی جا چکی ہے۔