سوات:کوچ اور سکیورٹی فورسز کی گاڑی میں تصادم،3 افراد جاں بحق، 8زخمی
سوات (آئی این پی) سوات کے علاقے علی گرامہ کے قریب کبل سے مینگورہ جانیوالی تیز رفتار مسافر کوچ مخالف سمت سے آنیوالی سکیورٹی فورسز کی گاڑی سے ٹکرا گئی، تصادم کے نتیجے میں تین افراد جاں بحق جبکہ آٹھ زخمی ہو گئے۔ ہفتہ کو پولیس کے مطابق سوات کے علاقے علی گرامہ کے قریب کبل سے مینگورہ جانیوالی تیز رفتار مسافر کوچ مخالف سمت سے آنیوالی سیکیورٹی فورسز کی گاڑی سے ٹکرا گئی۔حادثے کے نتیجے میں تین افراد موقع پر جاں بحق جبکہ سکیورٹی اہلکاروں سمیت آٹھ افراد زخمی ہوگئے۔ مقامی افراد نے نعشوں اور زخمیوں کو سیدو شریف ہسپتال منتقل کردیا۔ 4افراد کو تشویشناک حالت کے باعث پشاور منتقل کردیاگیا ہے۔ پولیس کے مطابق واقعہ تیز رفتاری کے باعث پیش آیا۔
