سٹاک ہوم (نوائے وقت رپورٹ) نوبل انعام یافتہ ملالہ یوسف زئی نے ایک اور عالمی اعزاز حاصل کرلیا۔ نجی ٹی وی کے مطابق ملالہ یوسف زئی نے ورلڈ چلڈرن پرائز حاصل کرلیا۔ انہوں نے ورلڈ چلڈرن پرائز ووٹنگ کے ذریعے جیتا، لاکھوں بچوں نے انہیں ووٹ دیا۔ اس سے پہلے کسی شخصیت نے ایک ہی سال نوبل امن پرائز اور ورلڈ چلڈرن پرائز ایک ساتھ حاصل نہیں کیا۔ اس اعزاز کواکثر بچوں کانوبل پرائز بھی کہا جاتا ہے۔ یہ ایوارڈ 2000ء میں شروع کیا گیا تھا۔ ملالہ آج سٹاک ہوم کے قریب میریسڈ میں ایک تقریب کے دوران یہ ایوارڈ وصول کریں گی۔