اسلام آباد(ثناء نیوز) چیف الیکشن کمشنر کی تقرری کیلئے متعلقہ پارلیمانی کمیٹی کی اجلاس ہنگامی طور پر آج پارلیمنٹ ہائوس میں طلب کر لیا گیا ہے۔ کمیٹی حکومت اور اپوزیشن کے 12 اراکین پر مشتمل ہے، کمیٹی میں تحریک انصاف کو بھی نمائندگی حاصل ہے۔ اجلاس مسلم لیگ(ن) کے رہنماء سینیٹر ملک رفیق رجوانہ کی صدارت میں ہوگا۔ ارکان کا تعلق مسلم لیگ(ن)، پیپلز پارٹی، تحریک انصاف، ایم کیو ایم  اور عوامی نیشنل پارٹی سے ہے۔