مکرمی! گورنمنٹ کالج بہاول نگر کے طلباء کی بہاول پور بورڈ انٹر میڈیٹ کے امتحان میں شاندار کارکردگی، بورڈ لیول پر بیک وقت تین پوزیشن حاصل کرکے ڈویژن بھر کے کالج کے مقابلے میں سبقت حاصل کرنے اور کالج کی تاریخ کا 55توڑنے پر سمیع اللہ ایجوکیشنل سوسائٹی اور ضلع بھر کے تعلیمی، ادبی، سماجی فلاحی، تاجر حلقوں، تنظیمات، طلباء والدین نے ا ظہار مسرت کرتے ہوئے اس سنگ میل قرار دیا ہے اور پرنسپل کالج پروفیسر شفیق احمد کی بہترین ایڈمنسٹریشن اور کاوشوں کو زبردست خراج تحسین پیش کیا ہے۔ واضح رہے کہ گورنمنٹ کالج بہاول نگر کے طلباء نے امسال انٹرمیڈیٹ امتحان میں شاندار کارکردگی کا مظاہرہ کرتے ہوئے آرٹس گروپ میں گورنمنٹ کالج بہاول نگر کے طالب علم حافظ اسد اللہ نے 924نمبر حاصل کرکے اول اور طالب علم محمد ساجد نے 906حاصل کرکے دوسری پوزیشن حاصل کی جبکہ پری انجینئرنگ گروپ میں گورنمنٹ کالج بہاول نگر کے طالب علم حمزہ ایوب نے 1001حاصل کرکے دوسری پوزیشن حاصل کی ہے۔(عبدالمنان وٹو… بہاول نگر)