اسلام آباد: سلنڈر پھٹنے سے وین میں آگ بھڑک اٹھی، 2 خواتین، بچی جاں بحق
اسلام آباد (آئی این پی) اسلام آباد کے پر فضاءعلاقے دامن کوہ کے قریب گاڑی میں نصب سلنڈر کے دھماکے کے بعد وین میںآگ لگ گئی ‘ آگ سے جھلس کر کراچی کی رہائشی 2 خواتین اور ایک بچی جاں بحق۔ تفصیلات کے مطابق اتوار کو دامن کوہ کے قریب منال پولیس چوکی پر اسلام آباد آنے والی مسافر وین میں نصب سلنڈر پھٹ گیا جس کے نتیجے میں گاڑی میںآگ لگ گئی۔ آگ میں جھلس کر 2 خواتین اور بچی جاں بحق ہو گئیں۔ ریسکیو ذرائع کے مطابق وین میں سوار دیگر مسافر بھی حادثہ میں معمولی زخمی ہوئے تاہم دروازہ نہ کھلنے کے باعث 2 خواتین اور ایک بچی آگ میں پھنس گئیں جس کی وجہ سے وہ جھلس گئیں۔
وین / آگ
