بہاول پور(نامہ نگار) علامہ طاہرالقادری کے مؤقف میں 100% اور عمران خان کے مؤقف میں 70% تبدیلی رونما ہو چکی ہے، طاہرالقادری بندگلی سے نکل کر کینیڈا پہنچ گئے ہیں جبکہ عمران خان بھی بندگلی سے نکلنے کیلئے مناسب راستہ تلاش کرہی لیں گے، شاہ محمود قریشی نے کہا تھا محرم الحرام اور خاص طور پر احترام عاشور میں دھرنوں میں ناچ گانا نہیں ہوگا یعنی اس کا مطلب یہ ہے ناچ گانا ہوتا رہا ہے۔ ان خیالات کا اظہار جمعیت علماء اسلام کے مرکزی سیکرٹری اطلاعات حافظ حسین احمد نے ورکرزکنونشن سے خطاب کرتے ہوئے کیا۔ انہوں نے کہا آج کچھ عناصر دھرنے اور امپائر کی انگلی اٹھانے کی کوشش کرتے رہے تاکہ ایک بار پھر آئین کو سبوتاژ کیا جا سکے۔