لاہور (سپورٹس رپورٹر+ نمائندہ سپورٹس) پاکستان کرکٹ بورڈ کے زیراہتمام قائداعظم ٹرافی گولڈ کرکٹ ٹورنامنٹ کا پانچواںا مرحلہ(آج) جمعرات سے شروع ہوگا۔ گروپ اے کے میچز میں پاکستان ٹیلی ویژن (پی ٹی وی) کا مقابلہ خان ریسرچ لیبارٹریز( کے آر ایل) سے کے آر ایل سٹیڈیم راولپنڈی میں، لاہور ایگلزکا مقابلہ کوئٹہ بیرز سے ایل سی سی گراﺅنڈ لاہور اور کراچی زبیراز کا مقابلہ حیدرآباد ہاکس سے یوبی ایل گراﺅنڈ نمبر 1 کراچی میں ہوگا۔ گروپ بی کے میچز میں سٹیٹ بینک آف پاکستان کا مقابلہ حبیب بینک لمیٹڈ سے مرغزار گراﺅنڈ، اسلام آباد میںہوگا۔ ابیٹ آباد فالکنز اور فیصل آباد وولفز کی ٹیموں کے درمیان میچ ایبٹ آباد سٹیڈیم میں ہوگا جبکہ سیالکوٹ سٹالینز اور بہاولپور اسٹگز کی ٹیموں کے درمیان ٹکراﺅ جناح سٹیڈیم، سالکوٹ میں ہوگا۔ ٹورنامنٹ کے میچز کے میچز مختلف شہروں میں کھیلے جارہے جن میں اسلام آباد، لاہور، کراچی، فیصل آباد، ایبٹ آباد، حیدر آباد، بہاولپور، سرگودھا اور سیالکوٹ شامل ہیں۔ ٹورنامنٹ میں ملک بھر سے چودہ ٹیمیں حصہ لے رہی ہیں جن میں پاکستان ٹیلی ویژن (پی ٹی وی)، کوئٹہ بیرز، لاہور ایگلز، پاکستان انٹرنیشنل ایئر لائنز(پی آئی اے)، کراچی زبیراز، خان ریسرچ لیبارٹریز( کے آر ایل)، حیدر آباد ہاکس، فیصل آباد وولفز، حبیب بینک لمیٹڈ، ابیٹ آبافالکنز، سٹیٹ بینک آف پاکستان، سیالکوٹ سٹالینز، سوئی سدرن گیس کارپوریشن اور بہاولپور اسٹیگز کی ٹیمیں شامل ہیں۔