لاہور(سپورٹس رپورٹر) دوسری آفتاب قرشی ویٹرن ٹی ٹونٹی کرکٹ لیگ کا ٹائٹل سیٹگ کرکٹ ٹیم نے جیت لیا۔ فائنل میچ میں دفاعی چیمئین عامر کیبلز نے وکٹوںپر 150 رنز بنائے۔ سابق ٹیسٹ کپتان سلیم ملک 50 رنز، احمدشہاب 35 رنز اور شاہد منصور نے 21 رنز ناٹ آﺅٹ بنائے۔ ضیاءالدین نے 2 ، زاہد خان اور جعفر قریشی نے ایک ایک وکٹ حاصل کی۔ سٹیگ نے ہدف 19.3 اوورز میں 4 وکٹوں پر حاصل کر کے میچ چھ وکٹوں سے جیت لیا۔ شہزاد بٹ 34ناٹ آﺅٹ، اشفاق اسلم 33 ناٹ آﺅٹ اور جعفر قریشی نے 30 رنز بنائے۔ سٹیگ کے شہزاد بٹ مین آف دی میچ قرار پائے۔ عامر کیبلز کے دستگیر بٹ ٹورنامنٹ کے بہترین بیٹسمین ، سٹیگ کے اسد اقبال بہترین باﺅلر اور سٹیگ کے خالد سلیم بہترین وکٹ کیپر قرار پائے۔
 مہمانِ خصوصی ایل آر سی اے کے صدر خواجہ ندیم احمد، ٹیسٹ کرکٹر محمد عرفان، سی ای او آفتاب قرشی محسن آفتاب قرشی ، عاشق حسین قریشی، سلمان خان ، میاں تصدق رسول اور شہزاد بھٹی نے انعامات تقسیم کیے۔